GK & Current Affairs in Tamil!

QUIZ

நடப்பு செய்திகள் - முக்கிய நபர்கள் ஐ.நா. பொதுச் செயலராக குட்டெரெஸ் நியமனம் | 14-Oct-2016 19:17

போர்ச்சுகல் முன்னாள் பிரதமர் அண்டோனியோ குட்டெரெஸ் (67), ஐ.நா.சபையின் பொதுச் செயலராக வியாழக்கிழமை தேர்வு செய்யப்பட்டார். ஐ.நா. சபையின் பொதுச் செயலரான பான்-கீ-மூனின் பதவிக் காலம் டிசம்பர் 31-ஆம் தேதியுடன் முடிவடைகிறது. அடுத்த ஆண்டு (2017) ஜனவரி 1-ஆம் தேதி ஐ.நா.வின் புதிய பொதுச் செயலராக குட்டெரெஸ் பதவியேற்பார்.முன்னதாக, ஐ.நா. பாதுகாப்புக் கவுன்சிலில் அங்கம் வகிக்கும் 15 நாடுகள், பொதுச் செயலர் பதவிக்கு குட்டெரெஸை ஒரு மனதாக தேர்வு செய்து, 193 நாடுகளை உறுப்பினர்களாகக் கொண்ட ஐ.நா. பொதுச் சபைக்கு அவரது பெயரை கடந்த வாரம் பரிந்துரைத்தது. அதன்படி, குட்டெரெஸை பொதுச் செயலராக நியமிக்க 193 நாடுகளும் வியாழக்கிழமை இசைவு தெரிவித்தன.இதன்மூலம், அந்தப் பதவிக்கு அவர் அதிகாரப்பூர்வமாக தேர்வு செய்யப்பட்டுள்ளார். போர்ச்சுகல் பிரதமராக கடந்த 1995-ஆம் ஆண்டு முதல் 2002-ஆம் ஆண்டு வரை குட்டெரெஸ் பதவி வகித்தார். அதன்பிறகு, 2005-ஆம் ஆண்டு ஜூன் மாதம் முதல் 2015-ஆம் ஆண்டு டிசம்பர் வரை அகதிகளுக்கான ஐ.நா. தூதராக அவர் சிறப்பாக பணியாற்றினார் என்பது குறிப்பிடத்தக்கது.

புதிய ஐ.நா. பொதுச் செயலர்: குட்டெரெஸுக்கு பான் கி-மூன் வாழ்த்து | 12-Oct-2016 18:53

ஐ.நா.வின் அடுத்த பொதுச் செயலராகத் தேர்ந்தெடுக்கப்பட்டுள்ள அன்டோனியோ குட்டெரெஸுக்கு தற்போது அப்பதவியை வகித்து வரும் பான் கி-மூன் தனது வாழ்த்துகளைத் தெரிவித்தார்.வாடிகனி இறை நம்பிக்கையும் விளையாட்டும் குறித்து நடைபெற்ற சர்வதேச மாநாட்டில் கலந்து கொள்ள வந்த அவர் செய்தியாளர்களிடம் வியாழக்கிழமை தெரிவித்ததாவது: அன்டோனியோ குட்டெரெஸை நான் நன்கு அறிவேன். அவர் போர்ச்சுகலின் பிரதமராக இருந்த அனுபவசாலி. உலக அரசியல், சமூக விவகாரங்களில் அவர் சிறந்த அறிவாளி. ஐ.நா. அகதிகள் நல ஆணையராகப் பணியாற்றிய காலத்தில் அவருடைய மனித நேயப் பண்புகள் சிறப்புற வெளிப்பட்டன.ஐ.நா.வின் பொதுச் செயலராகத் தேர்வு செய்யப்பட்ட அவருக்கு என்னுடைய வாழ்த்துகள் என்று பான் கி-மூன் தெரிவித்தார்.

இந்திய கிரிக்கெட் அணி தேர்வுக்குழுத் தலைவராக எம்.எஸ்.கே.பிரசாத் நியமனம் | 21-Sep-2016 15:40 முன்னாள் விக்கெட் கீப்பரும் ஆந்திராவைச் சேர்ந்தவருமான எம்.எஸ்.கே. பிரசாத், சந்தீப் பாட்டீலுக்கு அடுத்தபடியாக இந்திய அணியின் தேர்வுக்குழு தலைவராக நியமிக்கப்பட்டுள்ளார். பிசிசிஐ-யின் 87-வது ஆண்டுப் பொதுக்கூட்டத்தில் மும்பையில் இன்று இந்த முடிவு அறிவிக்கப்பட்டது.  சந்தீப் பாட்டீல் தலைமை முந்தைய தேர்வுக்குழுவில் பிரசாத் பணியாற்றினார். தற்போது இவர் தலைவராக நியமிக்கப்பட, சரந்தீப் சிங், ககன் கோடா, தேவங் காந்தி, ஜதின் பராஞ்பே ஆகியோர் 5 நபர் தேர்வுக்குழு உறுப்பினர்களாகத் தேர்வு செய்யப்பட்டுள்ளனர்.  இந்தத்தேர்வு குழு இங்கிலாந்துக்கு எதிராக நவம்பர் 9-ம் தேதி தொடங்கும் 5 டெஸ்ட் போட்டிகளுக்கான தொடரில் விளையாடும் இந்திய அணியைத் தேர்வு செய்து பணியைத் தொடங்குகின்றனர்.  எல்.ஐ.சி. தலைவராக வி.கே. சர்மா பொறுப்பேற்பு | 21-Sep-2016 15:35

பொதுத் துறையைச் சேர்ந்த மிகப்பெரிய ஆயுள் காப்பீட்டு நிறுவனமான எல்.ஐ.சி.யின் தலைவராக வி.கே. சர்மா கூடுதல் பொறுப்பேற்றார். எல்.ஐ.சி. நிறுவனத்தின் தலைவராக இருந்த எஸ்.கே. ராய் வெள்ளிக்கிழமை அப்பொறுப்பிலிருந்து விடுவிக்கப்பட்டுள்ளார்.இதையடுத்து, தற்போது நிர்வாக இயக்குநர் பொறுப்பில் உள்ள வி.கே. சர்மா, கூடுதல் பொறுப்பாக தலைவர் பதவியை ஏற்றுக் கொண்டுள்ளார் என்று எல்.ஐ.சி. அந்த அறிக்கையில் தெரிவித்துள்ளது.பணிக்காலம் முடிவதற்கு இரண்டு ஆண்டுகளுக்கு முன்பாகவே, எஸ்.கே.ராய் கடந்த ஜூன் மாதத்தில் தனது பதவியை ராஜிநாமா செய்தார். அதனை மத்திய அரசு அப்போது ஏற்கவில்லை. இந்நிலையில் தற்போது அவர் எல்.ஐ.சி. தலைவர் பதவியிலிருந்து விடுவிக்கப்பட்டுள்ளார். எல்.ஐ.சி நிறுவனத்தின் தலைவராக கூடுதல் பொறுப்பேற்றுள்ள வி.கே.சர்மா, கடந்த 2013-ஆம் ஆண்டு நவம்பர் மாதம் நிர்வாக இயக்குநராக நியமிக்கப்பட்டார்.

மீண்டும் உலக வங்கி தலைவராகிறார் ஜிம் யோங் கிம் | 21-Sep-2016 15:24

உலக வங்கித் தலைவர் பதவிக்கு வேறு யாரும் விண்ணப்பிக்காத நிலையில்  2-ஆவது முறையாகத் தொடர்ந்து உலக வங்கி தலைவராக ஜிம் யோங் கிம் தேர்ந்தெடுக்கப்படுவது உறுதியாகியுள்ளது.இதுகுறித்து உலக வங்கி நிர்வாகக் குழு வெளியிட்டுள்ள அறிக்கையில் தெரிவித்துள்ளதாவது:உலக வங்கி தலைவர் பதவிக்கு விண்ணப்பிக்கும் காலம் புதன்கிழமை முடிந்தது. தற்போது தலைவராக உள்ள ஜிம் யோங் கிம்முக்கு போட்டியாக யாரும் விண்ணப்பிக்கவில்லை. இதையடுத்து, விதிமுறைகளின்படி, கிம்முடன் நேர்காணல் நடத்திய பிறகு, உலக வங்கி தலைவர் பதவிக்கு அவர் இரண்டாவது முறையாகத் தேர்வு செய்யப்படுவார்.இதற்கான பணிகள் 2016-ஆம் ஆண்டு நடைபெற உள்ள உலக வங்கியின் ஆண்டுக் கூட்டத்தில் மேற்கொள்ளப்படும். இந்தக் கூட்டம் அக்டோபர் 7-ஆம் தேதி முதல் 9-ஆம் தேதி வரையில் நடைபெறும் என்று உலக வங்கி நிர்வாகக் குழு அந்த அறிக்கையில் தெரிவித்துள்ளது.தற்போது உலக வங்கி தலைவராக உள்ள கிம் யோங் கிம் (56) 2012-ஆம் ஆண்டு அப்பதவிக்கு தேர்ந்தெடுக்கப்பட்டார். அவருடைய பதவிக் காலம் வரும் 2017-ஆம் ஆண்டு ஜூன் 30-ஆம் தேதியுடன் நிறைவு பெறுகிறது.கொரிய-அமெரிக்க வம்சாவளியைச் சேர்ந்த ஜிம் யோங் கிம், உலக நாடுகளிடையே நிலவி வரும் தீவிர வறுமையைக் குறைக்கும் பல்வேறு திட்டங்களுக்கு முன்னுரிமை தந்து செயலாற்றியவர். இதனால், அவருக்கு உலக வங்கியின் முக்கிய பங்குதாரர்களான அமெரிக்கா, பிரான்ஸ், ஜெர்மனி, சீனா ஆகிய நாடுகளின் அமோக ஆதரவு உள்ளது.

அமெரிக்காவில் இந்திய வம்சாவளி பெண் நீதிபதியாக நியமனம் | 18-Sep-2016 20:38

அமெரிக்காவின் நியூயார்க் மாவட்ட நீதிபதிகளில் ஒருவராக 47 வயது இந்திய வம்சாவளி பெண் நியமிக்கப்பட்டுள்ளார்.

டயானி குஜராத்தி என்ற இவர், நியூயார்க் தெற்கு மாவட்ட அரசு வழக்கறிஞர் அலுவலகத்தில், கிரிமினல் வழக்கு பிரிவின் துணைத் தலைவராக கடந்த 2012 முதல் பணியாற்றி வந்தார்.

இந்நிலையில் அமெரிக்க அதிபர் ஒபாமா நேற்று முன்தினம் விடுத்த அறிக்கையில், “அமெரிக்காவின் மாவட்ட நீதிமன்ற அமர்வில் நீதிபதியாக பணியாற்ற டயானி குஜராத்தியை நியமித்துள்ளேன். அமெரிக்க மக்களுக்கு மிகச்சிறந்த முறையில் இவர் பணியாற்றுவார் என நம்புகிறேன்” என்று கூறியுள்ளார். செனட் அவையின் ஒப்புதலுக்குப் பிறகு இவர் நீதிபதியாக பொறுப்பேற்பார்.

டயானியின் தந்தை தமோதர் எம் குஜராத்தி, அமெரிக்க ராணுவ அகாடமியில் பொருளாதார பேராசிரியராக பணியாற்றுகிறார். பாம்பே பல்கலைக்கழகத்தில் 1960-ல் எம்.காம் முடித்த தாமோதர், 1965-ல் சிகாகா பல்கலை.யில் பிஎச்.டி முடித்தார்.




QUIZ

தற்போதைய நிகழ்வுகள்