GK & Current Affairs in Tamil!

QUIZ

நடப்பு செய்திகள் - உலகம் ஆக்ஸ்ஃபோர்டு ஆங்கில அகராதியில் இணைந்தது 'ஐயோ' | 14-Oct-2016 19:30

உலகில் அதிகமானோரால் பயன்படுத்தப்படும் ஆக்ஸ்ஃபோர்டு ஆங்கில அகராதியில் ஐயோ என்ற தமிழ் வார்த்தை இடம்பெற்றுள்ளது.

ஆக்ஸ்ஃபோர்டு ஆங்கில அகராதி ஆக்ஸ்ஃபோர்டு பல்கலைக்கழகத்தால் வெளியிடப்படுகிறது. ஆங்கில அகராதியில் தலை சிறந்ததாக விளங்குகிறது ஆக்ஸ்ஃபோர்டு அகராதி.

இதற்காக ஆக்ஸ்ஃபோர்டு பல்கலை ஆராய்ச்சியாளர்கள் பல்வேறு நாடுகளில் பேசப்படும் மொழிகளை நேரடியாக ஆய்வு செய்து 4 ஆண்டுகளுக்கு ஒரு முறை புதிய வார்த்தைகளை இந்த அகராதியில் இணைத்து வருகின்றனர்.

தாய்லாந்து மன்னர் அதுல்யதேஜ் காலமானார் | 14-Oct-2016 19:13

தாய்லாந்து மன்னர் பூமிபால் அதுல்யதேஜ் (88) வியாழக்கிழமை காலமானார். சக்ரி அரச வம்சத்தில் 9-ஆவது மன்னரான அவர் ஒன்பதாவது ராமா என்றும் அறியப்பட்டார். உலகில் மிக நீண்ட காலம் மன்னராட்சிபுரிந்து வந்தவர் என்ற பெருமைக்குரியவராக அவர் திகழ்ந்தார். மன்னராக இருந்த அவரது சகோதரர் 1946-இல் காலமானதைத் தொடர்ந்து, பூமிபால் அதுல்யதேஜ் அரியணையேறி, 70 ஆண்டு காலம் அனைத்துத் தரப்பினரும் போற்றும் மன்னராகத் திகழ்ந்தார்.உடல்நலக் குறைவைத் தொடர்ந்து, கடந்த சில வாரங்களாக மருத்துவமனையில் சிகிச்சை பெற்று வந்தார். இந்நிலையில் வியாழக்கிழமை அவர் காலமானார். அரசரைக் கடவுளுக்கு நிகராகக் கருதும் தாய்லாந்தில் அவரது மரணச் செய்தி பெரும் சோகத்தை ஏற்படுத்தியது. அவர் சிகிச்சை பெற்று வந்த மருத்துவமனைக்கு வெளியே கடந்த சில நாட்களாக ஏராளமான பொதுமக்கள் கூடி கூட்டுப் பிரார்த்தனை நடத்தி வந்தனர்.அவர் காலமானதைத் தொடர்ந்து பட்டத்து இளவரசர் மஹா வஜ்ரலாங்கரணுக்கு (64) முடிசூட்டப்படும் என்று பிரதமர் பிரயுத் சன்-ஒசா கூறினார்.

காமன்வெல்த் கூட்டமைப்பில் இருந்து வெளியேறியது மாலத்தீவு | 14-Oct-2016 19:11

காமன்வெல்த் கூட்டமைப்பில் இருந்து மாலத்தீவு வியாழக்கிழமை வெளியேறியது. அந்நாட்டின் மீது அபராதம் விதிப்பதாக காமன்வெல்த் கூட்டமைப்பு எச்சரிக்கை விடுத்ததை அடுத்து, மாலத்தீவு அரசு இந்த முடிவு எடுத்தது. மாலத்தீவு அதிபராக இருந்த முகமது நஷீது கடந்த 2012-ஆண்டு பதவி விலகியதை அடுத்து, அந்நாட்டில் ஏற்பட்ட அரசியல் குழப்பத்துக்குத் தீர்வு காணப்படவில்லை என்றும், நாட்டில் வளர்ச்சி ஏற்படவில்லை என்றும் காமன்வெல்த் அமைப்பு குற்றம் சாட்டி வந்தது.இந்நிலையில், கடந்த மாதம் கூடிய காமன்வெல்த் கூட்டமைப்பின் செயற்குழு, மாலத்தீவில் அரசியல் நெருக்கடிக்குத் தீர்வு காண்பதில் முன்னேற்றம் எதுவும் ஏற்படவில்லை என்று குற்றம் சாட்டியது. மேலும், தங்கள் கூட்டமைப்பில் இருந்து மாலத்தீவை இடைநீக்கம் செய்யப்போவதாக காமன்வெல்த் எச்சரிக்கை விடுத்திருதது.இந்நிலையில், காமன்வெல்த் கூட்டமைப்பில் இருந்து வெளியேறுவதாக மாலத்தீவு வியாழக்கிழமை அறிவித்தது. இதுதொடர்பாக, அந்நாட்டு வெளியுறவு அமைச்சகம் வெளியிட்ட செய்திக்குறிப்பில் கூறப்பட்டுள்ளதாவது:முகமது நஷீத் பதவி விலகிய பிறகு, அரசமைப்புச் சட்டத்தின்படி அடுத்தக்கட்ட நடவடிக்கைகள் மேற்கொண்ட போதிலும், அரசுக்கு எதிராக காமன்வெல்த் கூட்டமைப்பு நடவடிக்கை எடுக்க முயன்றது. மேலும், மாலத்தீவுக்கு காமன்வெல்த் நடவடிக்கைக் குழு அபராதம் விதிக்க முயன்றதை ஏற்றுக்கொள்ளவே மடியாது.எனவே, தவிர்க்க முடியாத சூழ்நிலையில், காமன்வெல்த் கூட்டமைப்பில் இருந்து வெளியேறுவதாக கடினமான முடிவை மேற்கொள்ள நேரிட்டது என்று அந்த செய்திக்குறிப்பில் தெரிவிக்கப்பட்டுள்ளது.

அமெரிக்காவில் தீபாவளி சிறப்பு அஞ்சல் தலை வெளியீடு | 12-Oct-2016 18:44

உலகம் முழுவதும் உள்ள ஹிந்துக்களால் கொண்டாடப்பட்டுவரும் தீபாவளி பண்டிகையை நினைவுபடுத்தும் விதமாக அமெரிக்க அஞ்சல் துறை சிறப்பு அஞ்சல் தலையை வெளியிட்டு சிறப்பித்துள்ளது.தீபாவளி சிறப்பு அஞ்சல் தலையை வெளியிடுவதற்காக அமெரிக்கவாழ் இந்தியர்களும், செல்வாக்குமிக்க நாடாளுமன்ற உறுப்பினர்களும் கடந்த 7 ஆண்டுகளாக பல்வேறு முயற்சிகளை மேற்கொண்டு வந்தனர்.இந்நிலையில், நியூயார்க் நகரில் உள்ள இந்தியத் துணைத் தூதரகத்தில் தீபாவளி சிறப்பு அஞ்சல் தலை வெளியீட்டு விழா புதன்கிழமை நடைபெற்றது.அஞ்சல் துறை வெளியிட்டுள்ள அஞ்சல் தலையில் அகல் விளக்கு ஒன்று ஒளி வீசிக் கொண்டிருக்கிறது. அதன் வெளிச்சத்தில் விளக்கைச் சுற்றியிருக்கும் தங்கத்துகள்கள் மினுமினுக்கின்றன. அதனுடன் ரோஜா இதழ்களும் உள்ளன. அஞ்சல் தலையில் \'ஈண்ஜ்ஹப்ண் ஊஞதஉயஉத மநஅ\' என்று எழுதப்பட்டுள்ளது.முன்னதாக, அஞ்சல் தலை வெளியீட்டு விழாவில் இந்திய துணைத் தூதரக அதிகாரி ரிவா கங்குலி தாஸ், அமெரிக்க நாடாளுமன்ற பெண் உறுப்பினர் கரோலின் மலோனி உள்ளிட்டோர் பங்கேற்றனர்.கிறிஸ்துமஸ், பக்ரீத் போன்ற பண்டிகைகளை நினைவுபடுத்தும் விதமாகவும் அமெரிக்க அஞ்சல் துறை சிறப்பு தபால் தலையை ஏற்கெனவே வெளியிட்டுள்ளது குறிப்பிடத்தக்கது.

வரலாறு காணாத மதிப்பில் அமெரிக்கா-இஸ்ரேல் ராணுவ உதவி ஒப்பந்தம் | 21-Sep-2016 15:25

வரலாறு காணாத வகையில், அமெரிக்கா - இஸ்ரேல் இடையே ரூ. 2.5 லட்சம் கோடி மதிப்பிலான ராணுவ உதவி ஒப்பந்தம் கையெழுத்தானது.இது தொடர்பாக அமெரிக்காவின் தேசிய பாதுகாப்பு ஆலோசகர் சூசன் ரைஸ் கூறியதாவது: இஸ்ரேலின் பாதுகாப்பை உறுதி செய்யும் விதமாக, முன்னெப்போதும் இல்லாத வகையில் 3,800 கோடி டாலர் (சுமார் ரூ. 2.5 லட்சம் கோடி) மதிப்பிலான ராணுவ உதவி பெறும் விதமான ஒப்பந்தம் கையெழுத்தாகியுள்ளது. அடுத்த 10 ஆண்டுகளில் இந்த ராணுவ உதவி வழங்கப்படும். இதன் கீழ் 3,300 கோடி டாலர் ராணுவ தளவடாங்களுக்கான நிதி உதவியாகவும், ஏவுகணைத் திட்டங்களுக்கு 500 கோடி டாலரும் வழங்கப்படுகிறது. இஸ்ரேலின் ஏவுகணைத் திட்டங்களுக்கு அமெரிக்கா உதவி அளிப்பது இதுவே முதல் முறை.இந்த ஒப்பந்தத்தின் மூலம், அதி நவீன எஃப்-15, எஃப்-35 ரகப் போர் விமானங்கள் உள்ளிட்டவை இஸ்ரேலுக்கு வழங்கப்படும். தரைப் படையினரின் தாக்குதல் திறனை அதிகரிக்கும் விதமான தளவாடங்கள் வழங்கப்படும். ஏவுகணைத் தாக்குதலுக்கு இஸ்ரேல் ஆளாகி வரும் நிலையில், தற்காப்புக்கான \"அயர்ன் டோம்\' உள்ளிட்ட சாதனங்கள் அளிக்கப்படும்.இந்த நிதி மற்றும் தளவாட உதவியானது, ஏற்கெனவே இஸ்ரேலுக்கு அளிக்கப்பட்டு வரப்படும் உதவிகளைத் தவிர கூடுதலாக அளிக்கப்படுகிறது. இவ்வளவு பெரிய ராணுவ உதவியை வேறு எந்த நாட்டுக்கும் அமெரிக்கா இதுவரை வழங்கியதில்லை என்றார்.இந்த ஒப்பந்தம் குறித்து அமெரிக்க அதிபர் ஒபாமா கூறுகையில், இஸ்ரேலுக்குப் பாதுகாப்பு அளிக்க அமெரிக்க அரசு உறுதிபூண்டுள்ளதை எந்த சக்தியாலும் அசைக்க முடியாது என்றார்.இது தொடர்பாக இஸ்ரேலின் தேசிய பாதுகாப்பு ஆலோசகர் ஜேக்கப் நேஜல் கூறியதாவது: வரலாறு காணாத வகையிலான ராணுவ உதவி ஒப்பந்தம் இஸ்ரேல்-அமெரிக்கா இடையே ஏற்பட்டுள்ளது. முன்னெப்போதையும்விட இஸ்ரேலுக்கு ஏவுகணை அச்சுறுத்தல் அதிகரித்துள்ளது. அந்த அச்சுறுத்தலை எதிர்கொள்ள இந்த ஒப்பந்தத்தின் கீழ் வழங்கப்படும் ராணுவத் தளவாடங்கள் பெரும் உதவியாக இருக்கும் என்றார்.

பாக்., பயங்கரவாத நாடு : அமெரிக்காவில் தீர்மானம் | 21-Sep-2016 15:08

பாகிஸ்தானை பயங்கரவாத ஆதரவு நாடாக அறிவிக்கும் தீர்மானத்தை அமெரிக்க எம்.பி.,க்கள் இருவர் கொண்டு வந்துள்ளனர். இது ஐ.நா.,வில் மனிதநேயம் குறித்து பாக்., பிரதமர் நவாஸ் ஷரீப் பேசுவதற்கு தீர்மானத்துள்ள உரைக்கு பெரும் பின்னடைவை ஏற்படுத்தி உள்ளது.

காஷ்மீரில் கடந்த இரண்டு மாதங்களுக்கும் மேலாக நீடித்து வரும் பதற்றம் தொடர்பாக ஐ.நா., சபையில் பேச பாக்., பிரதமர் நவாஸ் ெஷரீப் முடிவு செய்துள்ளார். காஷ்மீரில் இந்திய ராணுவம் மனிதஉரிமை மீறலில் ஈடுபட்டு வருவதாகவும் அவர் குற்றம்சாட்ட தீர்மானத்துள்ளார். இந்நிலையில் பாக்.,க்கு எதிராக அமெரிக்கா தீர்மானம் கொண்டு வந்துள்ளது. எம்.பி.,க்கள் கொண்டு வந்துள்ள இந்த தீர்மானம் தொடர்பாக அமெரிக்க நிர்வாகம் 4 மாதங்களுக்குள் முடிவை அறிவிக்க வேண்டும்.

சர்வதேச பயங்கரவாதத்திற்கு பாகிஸ்தான் ஆதரவு அளிக்கிறதா, இல்லையா என்பது பற்றி 90 நாட்களுக்குள் அமெரிக்க அதிபர் விரிவான அறிக்கையை அளிப்பார். இந்த அறிக்கையின் அடிப்படையில் அடுத்த 30 நாட்களில் அமெரிக்க பாதுகாப்பு துறை , பாக்., பயங்கரவாத ஆதரவு நாடா என்பது பற்றிய அறிவிப்பை வெளியிடுவார். அமெரிக்க எம்.பி,க்கள் கொண்டு வந்துள்ள தீர்மானத்தில் பாக்., மட்டுமின்றி இஸ்லாமாத் பல ஆண்டுகளாக ஒசாமா பின்லேடன் உள்ளிட்ட அமெரிக்க எதிரிகள் பலருக்கு புகழிடம் அளித்து வருவதாகவும், பயங்கவாத போருக்கு ஆதுரவு அளித்து வருவதாகவும், இதற்கு பல ஆதாரங்கள் உள்ளதாகவும் தெரிவிக்கப்பட்டுள்ளது.




QUIZ

தற்போதைய நிகழ்வுகள்